نضع اللحمه المفرومه في بولي ولازم اللحمه المفرومه يكون فيها نسبه دهن 25% ونضع عليها البصله تكون مبشورة ناعم ونصفيها من مياتها ونضع الملح والفلفل والسبع بهارات ويسلااام بقا لو عندك بهارات كفتة الحاتي وتحطي منها معلقه كبيرة هتفرق في الريحه جدااا ومهمه جدا معلقه البيكنج بودر عشان الكفتة متفكش مننا وفي طبق في مياه البصله ونقط زيت نصبع بيها الكفتة ونحطها في صينيه عليها ورق فويل مدهون زيت وندخلها الفرن علي درجه حرارة 200 لمدة نصف ساعة ولما تطلع الكفتة نكون محضرين فحمه مولعناها علي النار ونحطها في ورقه فويل وتتحط في نصف الصينية وعليها حبه زيت ونغطي الصينية 10 دقايق ونقدم الكفتة علي طبق فيه بقدونس مع عيش وسلطه وطحينة او مع مكرونة ليها تقديمات كتير زي ما كل حد يحب
