المحتويات
السلام عليكم ورحمه الله وبركاته
هنعمل مع بعض البيتزا البيتي الخطيرة زي بتاعت الفرن بالظبط وان شاء الله تعجبكم
المقادير
العجينه
2 كوب دقيق
معلقه صغيرة خميرة
معلقه صغيرة سكر بودر
معلقه ونصف زيت زيتون
ومياه دافيه للعجن
صلصه البيتزا
3 معالق صلصه
معلقه زيت
معلقه ثوم بودر
معلقه بصل بودر
معلقه ببريكا
معلقه زعتر
ملح وفلفل
ومعلقتين او ثلاثه مياه حسب السمك اللي تحبه
الطريقه
الدقيق ونضيف عليه رشه ملح و معلقه الخميرة ومعلقه السكر البودر ومعلقه ونصف زيت ونقلب
ننزل عليهم بالماء الدافي وحدة وحدة لحد ما تبقي عجينه انا الكميه دي اخدت معايا كوب الا ربع مياه
نغطي العجينه ونسيبها تخمر ساعه
نجيب صاج او صينيه ندهنا زيت ونحط فيها العجينه ونفرد لحد ماتبقي مظبوطه من كل الاتجاهات
انا المقدار ده عمل معايا الصاج اللي في الصورة
صلصه البيتزا
نضيف الثوم البودر والبصل البودر والزعتر والببريكا والملح والفلفل والزيت والماء للصلصه علي النار وتاخد غلوة ونطفي
نجيب العجينه اللي فردناها في الصاج او الصينيه نضيف عليها الصلصه
واي مكونات زي ماتحبه المتاح عندكم انا ضيفت جبنه مثلثات بسطرمه جبنه شيدر
جبنه تركي جبنه موزاريلا طماطم زيتون فلفل بادر
وتدخل فرن سخن لمدة 20 دقيقه ونفتح الشوايا تاخد وش من فوق
وده الشكل النهائي
